"Манас" эл аралык аэропортунда Казакстандын мамлекет башчысын Кыргызстандын Президенти Сооронбай Жээнбеков тосуп алды. Аба майданда Кыргызстандын жана Казакстандын мамлекеттик желектери илинип, ардактуу кароол тизилди. Мамлекеттик визиттин алкагында Касым-Жомарт Токаев Президент Сооронбай Жээнбеков менен жолугушат. 

Ошондой эле, Кыргызстан менен Казакстандын Жогорку мамлекеттер аралык Кеңешинин 5-жыйыны өтөт жана анын жыйынтыгында бир катар эки тараптуу документтерге кол коюлат. Казакстандын Президентинин мамлекеттик визитинин алкагында Сооронбай Жээнбеков жана Касым-Жомарт Токаев "Ата-Бейит" тарыхый-мемориалдык комплексине жана Чыңгыз Айтматовдун үй-музейине барышат. Мындан тышкары, Касым-Жомарт Токаев 28-ноябрда Бишкекете боло турган ЖККУнун Жамааттык коопсуздук кеңешинин кезектеги отурумуна катышат.