Кыргызстандын 15 ишканасы азык-түлүк продукциясын Орусияга экспорттоого укук алганын вице-премьер-министр Олег Панкратов тастыктады.
Анын билдирсүүсүндө, Орусиянын Айыл чарба министрлиги жана Федералдык ветеринардык жана фитосанитардык көзөмөл кызматынын жолдогон катында ветеринардык лабораторияларды кайра жабдуу чараларын эске алуу менен 8-февралдан баштап 15 кыргызстандык ишкана аталган өлкөгө товарларды экспорттой ала турганы айтылган:
"Тизмеде даяр эт продукциясы, сүт азыктары жана иштетилген балык азыктарына уруксат берилген. Бирок Кыргызстандан азык-түлүк алуу биринчи ирет ишке ашып жаткандыктан ветеринардык көзөмөл күчөтүлөрү белгиленүүдө. Бул ири Орусиялык рынокко чыгуу болуп саналат. Уруксат берилип жатканынын өзү — чоң мүмкүнчүлүк. Мындагы ийгилик анын жүрүшүнөн көз каранды болот" - дейт Панкратов.
Тизмеде эки балык өндүрүүчү жана этти кайра иштетүүчү ишканалар да бар.
Google Play
App Store