Президент Алмазбек Атамбаев кырсыктан каза болгон жарандардын жакындарына көңүл айтты.
Ошондой эле мамлекет башчы "Манас" аба майданынын жанынан каза болгондордун үй-бүлөсүнө материалдык жардам көрсөтүүнү тапшырды.
Мындан тышкары кырсыктан жабыркагандардын дарылануусуна көмөк көрсөтүлөт. Ал эми өкмөткө кырсыктын чыгуу себептерин аныктоо боюнча тапшырма берилди.
"Боинг-747" учагы бүгүн эртең менен 7 жарым чамасында Чүй облусунун Сокулук районунуна караштуу Дача айылындагы турак үйлөрдүн үстүнө кулаган.
Акыркы маалыматтар боюнча 15 үй жабыркап, 35 адам каза болду.
Google Play
App Store