12-февралда өткөн Федералдык жыйында, Германиянын президенттигине Франк-Вальтер Штайнмайер биринчи турда шайланды. Аны ландтаг менен бундестагдын 1239 депутатынын 931и колдоду.
61 жаштагы Штайнмайерди канцлер Ангела Меркель жетектеген Христиан-демократиялык союз менен Германия социал-демократиялык партиясынан куралган блок президенттикке көрсөткөн.
Штайнмайер буга чейин өлкөнүн Тышкы иштер министрлигин жетектеген. Ишке кирүү аземи 19-мартка белгиленди.
Буга чейинки президенттик тактыда 77 жаштагы Йоахим Гаук болгон. Германияда бийлик ыйгарым укуктарынын дээрлик баары канцлерде болгону менен президенттик кызмат - моралдык бийик даража катары саналат.
Google Play
App Store