Жалал-Абаддын Сузак районунда жер көчкүнүн жанданганы байкалууда. Алмалуу-Булак айылындагы элди коопсуз аймакка көчүрүү үчүн электр кубаты өчүрүлүп, айылдагы мектеп жабылды. E
Сузак райондук мамлекеттик администрациясы элди кооптуу аймакта 2017-жылдын апрелине чейин жашап турууга уруксат берди.
Бирок жамгыр менен кар көп жаагандан улам жер жакшы тоңбой калып, жердин көчүү процесси 2017-жылдын январь айынан башталган. Мындан улам, Сузак райондук администрациясы калкты коопсуз аймактарга көчүрүүнү жергиликтүү бийликке тапшырган.
9-февралдан тарта электр энергиясын берүүнү токтотуу райондук электр тармактар ишканасына, Алмалуу-Булак айылындагы Матиев атындагы мектебин биротоло жабуу райондук элге билим берүү бөлүмүнө милдеттендирилген.
Эске сала кетсек, былтыр жер көчкү коштогон каргашалуу окуядан окуучу баланы жер көчкү басып калып, каза тапкан.
Google Play
App Store