15-февралда Баткен, Ош жана Нарын облусунун айрым жерлеринде санариптик телеберүүлөр көрсөтпөй калган. Маданият, маалымат жана туризм министрлиги билдиргендей, буга техникалык мүчүлүштүк себеп болгон. Адистер оңдоо иштерин жүргүзгөндөн кийин, берүүлөрдүн бардыгы калыбына келгени кабарланды.
Кыргызстанда аналогдук сигналдар 2017-жылдын 15-майында толугу менен токтотулуп, өлкө санарипке өтөт. Өкмөттүн быйыл январдагы маалыматы боюнча, республика аймагындагы 326 айылга азырынча санариптик берүү жете элек.
Google Play
App Store