Бишкек шаарынын мэрине талапкерлигин койгондор кыргыз тилинен сынак тапшырат. Мындай маалыматты Борбордук шайлоо комиссиясынан билдирди. Бишкек шаарындагы аймактык шайлоо комиссиясы талапкерлердин документтерин кабыл алууну баштады. Анын мөөнөтү 19-февралда аяктайт. Ошол эле күнү талапкерлерден кыргыз тили боюнча сынакты өткөрө турган комиссиянын жыйыны болот.
Мыйзамга ылайык, Бишкек шаардык кеңешиндеги коалиция жана фракциялар, ошондой эле премьер-министр шаар башчылыгына талапкер сунуш кыла алат. Шаар башчысы болууну каалагандар - талапкер болууга укук берилген документ, арыз, биографиясы жазылган баракчаларды тапшыруусу керек.
Эскерте кетсек, шаар мэрин шайлоо 27-февралда өткөрүлө тургандыгы маалымдалган. Калаанын мурдагы башчысы Кубанычбек Кулматов 9-февралда өз арызы менен иштен кеткен. Азыр мэрдин милдетин Айгүл Рыскулова аткарууда.
Google Play
App Store