"Бишкек - биздин таза шаар" аталыштагы ишембилик 18-мартта Бишкекте өтөт. Ага миңден ашык адам катышары күтүлүүдө.
Ишембиликти Свердлов райондук администрациясы уюштурууда. Анда аталган райондун аймагына кирген 46 көчөдө тазалоо иштери жүргүзүлөт. Ишембиликке мамлекеттик жана муниципалдык мекемелердин кызматкерлери, коомдук уюмдар жана студенттер катышат.
Иш-чарада таштанды чогултуу, арык тазалоо, дарактарды кыйыштыруу жана канаттууларга уя салуу иштери аткарылып, миңден ашык калаа тургундары катышат.
Google Play
App Store