Айрымдар минтип адепсиздигин, маданиятсыздыгын көрсөтүп жатса, ыйманды жан дилине түйгөндөр муктаждарга кол сунуп жардам берүүнү колго алды. "Мүмкүнчүлүгүң болсо ил, муктаж болсоң ал. Мына ушундай чакырыкта Ош шаарында акысыз тамак-аш, кийим-кече таратуучу дүкөн ишке кирди.
Кесме, чай, кум шекер, өсүмдүк майы. Же болбосо, балдар жана чоңдор үчүн кийимдер. Кыскасы, дүкөндөн турмуш -тиричиликке зарыл болгон нерселерди тапса болот. Бирок, булар сатылбайт.
Дүкөн кабыл алынуучу жардамдарга чек койгон эмес. Тамак-аш, кийим-кечектен сырткары, идиш-аяктан тартып, кир жуугуч машинага чейин кабыл алынат. Жардамдардын даректүү жеткирилишин көзөмөлдөй турган атайын комиссия түзүлгөн.
"Быйылкы президент тарабынан жарыяланган ыйман, адеп жана маданият жылына карата ушул иш-чараны баштадык. Шаарыбыздагы чыныгы жардамга муктаж жарандарга тамак-аш, кийим кечектен жардам беребиз",- деп билдирди Амир-Темур кичи райондук кеңешинин төрагасы Мухамедали Канатов.
Google Play
App Store