Өкмөт башчы Сооронбай Жээнбековдун катышуусунда кыргыз-казак чек арасындагы “Токмок-унаа жол” өткөрмө жайы расмий ачылып ишке берилди. Өткөрүү бекеттерин жаңылоо Евразиялык экономикалык биримдик алкагындагы милдеттердин бири болуп саналат.
Эске салсак, учурда өткөрүү бекеттеринен сырткары ветеринардык-фитосанитардык лабораторияларды куруу иштери дагы жүрүүдө.
Азыркы тапта кыргыз-казак чек арасында жайгашкан «Токмок унаажол» көзөмөл-өткөрүү пунктун реконструкциялоо иштери аяктап ишке берилди. Күнүнө бул жайдан 300-400гө чейин унаалар өтөт. Талапка ылайык, ар бир унаа 15-20 мүнөттө текшерилип бүтүүгө тийиш. Азырынча жүргүнчүлөр менен жеңил унаалар өтүшүүдө, оор жүк ташуучу унааларды өткөрүү маселеси болсо, кийинчерээк каралмакчы.
Мээрим Абдраманова, "Биринчи радио"
Google Play
App Store