"Ата Мекен" фракциясынын лидери Өмүрбек Текебаев камакта калды. Мындай чечимди Текебаевдин жактоочуларынын доо арызын караган Жогорку сот чыгарды.
Жогорку сот - Текебаевдин адвокаттарынын даттануу арызынын мөөнөтү өтүп кеткенине байланыштуу, Бишкек шаарынын Биринчи май райондук соту 27-февралда чыгарган чечимди күчүндө калтырды. Ага ылайык, Текебаевдин УКМК тарабынан кармалышы мыйзамдуу жана негиздүү деп табылып, эки айга чейин тергөө абагында камоо чечими чыгарылган. Бул чечимди 9-мартта Бишкек шаардык соту дагы күчүндө калтырган.
Эске салсак, “Ата-Мекен” партиясынын лидери орус ишкеринен миллион доллар алган деп айыпталып, 27-февралда кармалган. Аны эки айга камоо чечимин Биринчи май райондук соту чыгарган. Шаардык инстанция да аны күчүндө калтырган. Жогорку сот ишти карап жаткан учурда Текебаевдин тарапташтары “Ата-Мекен” партиясынын лидерин колдогон акция өткөрүштү.
Google Play
App Store