Кыргызстандын мыкты спортчуларынын стипендиясына, курама командалардын төлөмдөрүнө жана жол-киресине мерчемделип мамлекеттик бюджеттен бөлүнгөн каражат уурдалганы белгилүү болду.
Эсеп палатасы 2014-жыл боюнча жүргүзгөн аудиттин жыйынтыгында түзүлгөн акттын негизинде Башкы прокуратура өкмөткө караштуу Дене тарбия жана спорт агенттигинде текшерүү жүргүзгөн.
Натыйжада мекеменин айрым кызматкерлери жасалма бухгалтердик документ түзүп 7 миллион 872 миң сомду өз пайдасына жумшаганы аныкталды. Бул боюнча кылмыш иш козголуп, иликтөө башталды.
Google Play
App Store