Нарын облусунун Ат-Башы районуна киргизилген "өзгөчө кырдаал" режими алынды. Мындай маалыматты Өзгөчө кырдаалдар министрлиги билдирди.
Министрликтин маалыматына караганда, Ак-Сай өрөөнү менен байланыштырган каттам кардан тазаланып, мурдагыга караганда кардын көлөмү азайып калгандыктан, облустун жарандык коргонуу комиссиясы "өзгөчө кырдаал" режимин алып салды.
Эми Ак-Сайга тоют жана тамак-аш жеткирүүгө кыйынчылык жок, - деп айтылат маалыматта. Ат-Башы - Ак-Муз - Кында жана Кында - Көк-Кыя жолу кардан тазаланып, учурда толук кандуу иштеп жатат.
Google Play
App Store