Ушул эле баш калаабызда былтыр ноябрь айында тигилген жоогазындар гүлүн ачты. Борбор калааны көрккө бөлөгөн гүлдөр дагы 2 аптага чейин гүлдөп турат. Бишкек шаардык мэриясынын "Жашылдандыруу" муниципалдык ишканасынын адистери билдиргендей, былтыр 120 миң түп жоогазын тигилген. Борбор калаанын сулуулугу мына ушул күнөсканадан башталат. Гүлчүлөр 35 градус ысыкта кабагым-кашым дебей эртеден-кечке иштешет. Аларга шаарды көрккө бөлөө тапшырмасы тагылган.
Бишкек мэриясынын “Жашылдандыруу курулуш” ишканасынын адистери гүлдөргө аяр мамиле кылууну шаардыктардан өтүнөт. Аз гана убакытка созулган сулуулукка - тепселебей, адеп жана маданияттуулук менен мамиле жасайлы.
Google Play
App Store