Бишкек-Кара-Балта автожолун реконструкциялоо жумушу өзгөчө көзөмөлдө турат. Мындай маалыматты премьер-министр Сооронбай Жээнбеков өкмөттүн 2016-жылдагы ишмердүүлүгү тууралуу Жогорку Кеңешке отчет берген маалында билдирди.
Ал ошондой эле Бишкек - Кара-Балта автожолун оңдоо маалында Бишкек жана Кара-Балта шаарларынын ортосунда элге ыңгайлуу болушу үчүн темир жол каттамы уюштурулганын кошумчалады.
Ал эми Транспорт жана жолдор министри Жамшитбек Калилов, бүгүнкү күндө узундугу 45 км болгон Бишкек-Кара-Балта автожолун куруу башталганын жана бардык керектүү курулуш техникалары бар экендигин билдирди. Транспорт жана жолдор министри оңдоо иштерин жүргүзүүдө жол кыймылы бир багыт боюнча жүрөөрүн кошумчалады.
Google Play
App Store