"Победили вместе" эл аралык фестивалына быйыл Кыргызстандан эки даректүү тасма катышат. Анда Адилет Каржоевдин "Рахмат сага дарыгер!" тасмасы фестивалдын алкагында даректүү тасмалардын "Отражение" сынагында көрсөтүлөт. Эмгектин башкы каарманы - белгилүү хирург Эрнест Акрамов.
Ал эми сынактан тышкаркы "Киношколы" программасына Рысбай Садыковдун Чыңгыз Айтматовдун өмүрү тууралуу "Айтматовун сабактары" фильми илинген.
"Победили вместе" эл аралык фестивалы быйыл 13-жолу Россиянын Севастополь шаарында өтөт. Ал экинчи дүйнөлүк согушта жеңишке жетишкен өлкөлөрдүн эрдигин даңазалаган даректүү тасмалар менен телепрограммалардын сынагы. Иш-чара 14-20-майга чейин өтөт.
Google Play
App Store