Мындан туура 72 жыл мурда Улуу Ата Мекендик согуш жеңиш менен аяктап, эркиндик үчүн күрөшкөн жоокер, баатырлар майтарылбас эрдиктери менен элге тынчтык белек кылган. Кан-жанын отко салган кыргызстандык аталардын катарында Касымбай Жолдошов да болгон.
Касымбай атаны уул-кыз, неберелери Улуу Ата Мекендик согуштун ардагери эле эмес, сүйүүнү, достукту туу туткан чыныгы жолдош катарында билишет.
Касымбай ата, 1925-жылы Ноокат районунун Шаң-Кол айылында төрөлгөн. 1943-жылы 17-жаш курагында согушка аттанган. Айылда энеси, үч бир тууганы жана жубайы калган.
Касымбай ата согушта 2,5 жыл жүрүп, чек арада 5 жыл кызмат өтөгөн. 8 жыл дегенде туулуп өскөн айылына кайтып келген. Жубайы Касымбай атаны 8 жылдык кусалыгын батырган жүз аарчы менен тосуп алган. Жүз аарчыны Касымбай ата өмүрүнүн акыркы күнүнө чейин сактаарын айтат.
Жашы токсондон ашканына карабай, карыянын баскан-турганы тың. Согуш талаасындагы окуялар күнү бүгүнкүдөй эсинде. Өзгөчө жеңиш күнү.
Google Play
App Store