Саналуу күндөрдөн кийин Улуу Ата Мекендик согуштагы жеңишке 72 жыл толот. Тынчтык үчүн күрөшкөн инсандардын катарында Ысык-Көл районуна караштуу Темир айылынын аксакалы Усубакун Байсалов да бар. Ардагер мекен чегиндеги кызматын өтөгөндөн кийин мугалимдик кесипти аркалап, 8 мектепте директорлук кызматты аркалаган.
16 жашында мектеп директору болууга жетишкен жаш мугалимдин максаттарын ишке ашырууга капыстан башталган согуш тоскоолдук кылган. 1942-жылы майдан талаасына аттанган учурда Усубакун ата 18ге да толо элек болчу. Борбордук фронттогу айтылуу Курск салгылашуусуна катышып, 2-топтогу майып болуп кайткан. Фашизм талкаланып, күжүрмөн элге жеңиш жылмайган күндү зор кубануу менен эскерет.
Андан бери 72 жыл өттү. Ардагер мугалимдик ишин улантып, 8 мектепте 30 жылдан ашуун директорлук кызматта иштеп, райондук билим берүү башкармалыгын жетектегенге да жетишкен. Дөөлөттүү карылыкты өткөрүп жаткан инсан басып өткөн байсалдуу жолу менен сыймыктанат.
Google Play
App Store