Бишкек шаардык соту экс-депутат Садыр Жапаровдун баш коргоо чарасын узартуу боюнча райондук соттун чечимин күчүндө калтырды. Эскерте кетсек, 25-мартта Садыр Жапаров Казакстандан Кыргызстанга киргенде аны чек арадан УКМКнын кызматкерлери кармап кеткен.
Жапаров "бейбаштык", "бийлик өкүлүнө карата зордук-зомбулук көрсөтүү", "барымтага алуу" жана башка беренелер боюнча айыпталууда. 26-мартта Садыр Жапаров Биринчи май райондук сотунун чечими менен тергөө бүткүчө Бишкектеги №1 тергөө абагына камалган.
24-апрелде Бишкектин Биринчи май райондук соту Жапаровду камакта кармоонун мөөнөтүн 28-майга чейин узарткан.
Google Play
App Store