Эми Токтогул ГЭСинин кубаттуулугу 240 МВтка көбөйүп, элге кызмат кылуу мөөнөтү дагы 35–40 жылга узарат. 2017-жылы 55 миллион доллар көлөмүндө иш аткарылат. Ал эми Токтогул ГЭСин реконструкциялоо ишине жалпы 450 миллион доллар каралган. Бул жөнүндө 13-май күнү, Токтогул ГЭСин модернизациялоо боюнча долбоорду баштоо учурунда, Кыргыз Республикасынын Премьер-министри Сооронбай Жээнбеков айтты. Өкмөт башчысы энергетиктерди, жалпы кыргызстандыктарды бул өлкө турмушундагы маанилүү курулуштун башталышы менен куттуктады.
Бул долбоорлорду ишке ашыруу Өлкөнү Туруктуу өнүктүрүүнүн 2013–2017-жылдарга белгиленген улуттук стратегиясында башкы багыттардын бири экенин айтты Премьер-министр. Токтогул ГЭСин модернизациялоо ишин баштоо аземине энергетиктер, энергетика тармагынын ардагерлери, Өкмөттүн Жалал-Абад облусундагы ыйгарым укуктуу өкүлү Кыянбек Сатыбалдиев катышты.
Зинакан Кайыпова, “Биринчи радио”
Google Play
App Store