Кечээ, 4-июнда катталган, Бишкек-Ош жолундагы унаа кырсыгынан 2 адам каза болду. Бул тууралуу Өзгөчө кырдаалдар министрлигинин басма сөз кызматы билдирди. Маалыматта белгиленгендей, Токтогул шаарынын Чычкан капчыгайындагы Бишкек-Ош унаа жолунун 239-чакырымында “ДАF” үлгүсүндөгү оор жүк ташуучу унаа менен “Спринтер” үлгүсүндөгү унаа кагылышкан.
Натыйжада «Спринтердеги» 2 (1 аял, 1 эркек) адам жеринде каза болгон жана 2 адам жаракат менен Токтогул шаардык ооруканасына жеткирилген.
Окуя болгон жерде куткаруу тобу барып, жаракат алган адамдарга алгачкы медициналык жардам көрсөтүшүп, каза болгон адамдарды унаадан чыгарып, РИИБнүн кызматкерлерине өткөрүп беришкен.
Google Play
App Store