Бишкекте чоң жолго жакын кооптуу жайларда түнкү 11ден кийин да жарамазан айтып жүргөн өспүрүм балдар кармалды. Жаш өспүрүмдөр менен иштөө инспекциясы “Өспүрүм - Жай” аталышындагы атайын рейд уюштуруп, түнкүсүн көчөдө жүргөн жалпы 106 өспүрүмдү кармашкан.
62 бала ата-энесинин колуна тапшырылып, түшүндүрүү иштери жүргүзүлдү. 37 бала ИИМдин жаш өспүрүмдөр менен иштөө бөлүмүнө, калган жетөө балдар реабилитациялык борборуна жеткирилди. Аталган рейд борбор калаанын райондук администрацияларынын жардамы менен уюштурулган.
"Ата-энелер, чоң кишилерден суранат элек. Милицияга, айрыкча өспүрүмдөр менен иштөө инспекциясына жардам бериңиздер. Балдарды түнкү убакта көчөгө жалгыз чыгарбаңыздар. Бул эң эле кооптуу. Ансыз деле балдар дайынсыз жоголуп жатат",- деди Свердлов райондук өспүрүмдөр менен иштөө инспекциясынын башчысы Аалы Баймунов.
Google Play
App Store