Бишкектен 4 жашар кызды унаасы менен сүзүп кетти деп шектелген айдоочу кармалды. Эскерте кетсек, 10-июнда кыз жолго чуркап чыгып, машинага урунган видео социалдык тармактарга чыккан. Бишкек шаардык ички иштер башкармалыгы окуя Бишкектин батыш тарабындагы Сары-Челек көчөсүндө саат 16:30дар чамасында катталганын аныктаган.
Интернетке чыккан видеодо көрүнүп тургандай, Honda Fit автоунаасынын айдоочусу өспүрүмдү жолдон коюп кетип, изин жашырган. Баланын баш мээси чайкалып, №3 шаардык клиникалык оорукананын кайра жандандыруу бөлүмүнө жаткырылган.
Кырсык болгондон кийин милиция кызматкерлери аймакты тинтип, капоту мыйрыйган Honda Fit унаасын табышкан. Анын айдоочусу кийин кармалган. Учурда тергөө иштери жүрүүдө.
Google Play
App Store