Соңку бир айдын ичинде эле ар кандай себептер менен Ош облусунун аймагында 7 бала сууга чөгүп кеткен. Дагы бир 35 жаштагы келин белгисиз себептен улам, сууга агып каза тапкан. Сууга аккан балдардын кичүүсү 3 жашта болсо, улуусу 16 жаштагы өспүрүм болгон.
Бул туурасында Ош облусттук ИИБнын маалымат катчысы Жеңишбек Аширбаев билдирди. Аширбаевдин айтымында, жайкы сууга түшүү сезону башталбай жатып, балдардын сууга чөгүүсүнө - ата-энелер жеткиликтүү көңүл бурбай, балдарын кооптуу жайларда ойноткону негиз.
Ушуга байланыштуу, өзгөчө кырдаалдар министрлиги тарабынан өкмөттүн атайын токтому чыгып, сууга түшүүчү жайлардын коопсуздук абалы тыкыр текшерилүүгө алынмак болду.
Google Play
App Store