Футбол боюнча Кыргызстандын 2016-жылкы Суперкубогу үчүн беттеш Ош шаарындагы Ахматбек Сүйүмбаев атындагы стадиондо өтөт.
Суперкубок үчүн 2015-жылы Топ-Лигада чемпион аталган Ош шаарынын "Алай" жана 2015-жылы Кубоктун ээси болгон Кант шаарынын "Абдыш-Ата" командалары өз ара топ талашат. Оюн 5-мартта болот. Башталышы саат 15:00.
Кошумчалай кетсек, Кыргызстандын Суперкубогу сезондун ачылышына карата жыл сайын өтчү футболдук мелдеш болуп саналат. 2011-жылдан бери уюштурулуп келет. Кошумчалай кетсек, жогоруда аталган командалар буга чейин Суперкубокто жеңип көргөн эмес.
Кыргызстандын Суперкубогунун жеңүүчүлөрү: 2011 – "Нефтчи", 2012 – "Дордой", 2013 – "Дордой", 2014 – "Дордой".
2015 – жылы болсо өткөрүлгөн эмес.
Google Play
App Store