ИИМдин оперативдик кызматкерлери жергиликтүү кеңештин депутатынын үйүнөн экстремисттик маанайдагы материалдарды табышты. Бул тууралуу министрликтин маалымат кызматынан кабарлашты.
Жалал-Абад облусуна караштуу Базар-Коргон районунун тургуну, жергиликтүү кеңештин депутаты "Хизбут-Тахрир" диний экстремисттик уюмунун мүчөсү деп шектелүүдө.
Тинтүү учурунда анын үйүнөн экстремисттик маанайдагы материалдар табылган. Аталган факты боюнча Кылмыш-жаза кодексинин “экстремисттик материалдарды алуу, даярдоо, сактоо жана жайылтуу” беренеси боюнча кылмыш иши козголду. Шектүү убактылуу кармоочу жайга киргизилип, тергөө иштери жүрүп жатат.
Google Play
App Store