Тоң районунда "Тескей жээк" аттуу этнофестиваль өтөт. Уюштуруучулар билдиргендей, иш-чара 15-июлда "Манасчылар үйүндө" болот.
Быйыл алгачкы жолу өтүп жаткан фестивалда "Салбуурун" оюндары, элдик оозеки чыгармачылык, кыргыздын түрдүү улуттук оюндары жана каада-салттары конокторго тартууланат. Мындан тышкары кол өнөрчүлөрдүн колунан жаралган буюм-тайымдардын, улуттук тамак-аштардын жармаңкеси уюштурулат. Кыргызстанда жыл сайын түрдүү тематикадагы маданий иш-чаралардын саны арбып баратат.
Эксперттердин белгилөөсүндө, мындай иш-чаралар ички-тышкы туризмди өнүктүрүү менен бирге элет элинин жашоосун жакшыртууга себепкер болот.
Google Play
App Store