Жамгырлуу аба ырайынан улам, Бишкек - Ош унаа жолундагы Төө-Ашуу жана Суусамыр аймактарындагы жолду оңдоо иштери убактылуу токтотулду. Мындан улам жолду оңдоого жоопкерчиликтүү болгон мамлекеттик дирекция бул көрүнүшкө айдоочуларды түшүнүү менен мамиле кылуусун өтүндү.
Учурда Төө-Ашуу жана Суусамыр аймагындагы убактылуу токтоп турган жумуштар күн ачылары менен кайра башталат. Азыркы тапта Бишкек — Ош жолунун Төө-Ашуу ашуусундагы 132-138-чакырымына жети сантиметр калыңдыктагы асфальт төшөлдү.
Суусамыр өрөөнүндөгү 148-152-чакырымына калыңдыгы жети сантиметрге жеткен жаңы бетонду төшөө үчүн эски жолдун үстүңкү катмары кырылып жатат. Транспорт жана жол министрлигинин алдындагы бул дирекция технологиялык талаптар боюнча жаан-чачын маалында асфальт төшөөгө болбостугун айтты.
Google Play
App Store