"Amazon" компаниясынын негиздөөчүсү Джефф Безос дүйнөнүн эң бай адамы деп аталды. Ал рейтингден "Майкрасофттун" негиздөөчүсү Билл Гейтсти ашып түшкөнүн "Би-би-си" маалымдады.
"Амазондун" акциялары 2%га өсүп, Безостун байлыгы 2 млрд долларга көбөйгөн. Мындан улам "Амазондун" негиздөөчүсүнүн активдеринин баасы Гейтстин байлыгынан дээрлик бир жарым млрд долларга ашкан. Муну күн сайын жаңыланып турган "Forbes" онлайн-рейтинги ырастады. Акыркы жолу Билл Гейтс тизмеде биринчиликти бир жыл мурда алдырган, анда аны "Zara" соода тармагынын негиздөөчүсү Амансио Ортега эки күнгө ашкан.
"Амазондун" негиздөөчүсү "Forbes" миллиардерлер тизмеси 1987-жылы түзүлгөндөн бери биринчиликти ээлеген кезекте жетинчи адам болду. "Amazon" - дүйнөдөгү эң ири онлайн чекене соода түйүнү. Ал АКШда, Европа өлкөлөрүндө, Канадада, Кытайда, Индияда, Мексикада, Японияда жана башка өлкөлөрдө иштейт.
Google Play
App Store