Белгилүү түрк альпинисти Хакан Кошкун алдын ала маалыматтар боюнча дүйнөнүн жетүүгө кыйын болгон жерлеринин бири Хан-Теңири чокусун багындырууга аракет кылып жаткан учурунда жүрөгү токтоп калып каза тапты. Бул тууралуу альпинисттик клубдун өкүлүнө таянып Daily Sabah кабарлады.
Кыргызстандын аймагында Кытай менен чектешкен чек арада 7 миң метр бийиктикке чейин ондогон чокулар бар. Анын ичинде бийиктиги 6695 метрге жеткен Хан-Теңири планетанын эң кооптуу чокуларынын бири. Ал курч, учтуу пирамида түрүндөгү формасы менен өзгөчөлөнүп турат. Акыркы беш жылда чокуну багындырууда ар кайсы өлкөлөрдүн ондон ашык альпинисти курман болгон.
Google Play
App Store