Борбор калаанын капиталдык ремонттон өткөн бир нече көчөсү ачылганын мэриянын маалымат кызматы билдирди. "Бишкекасфальтсервис" ишканасы билдиргендей, Жаманбаев көчөсүнүн Манас проспектисинен Руставели көчөсүнө чейинки бөлүгүнөн, Ахунбаев көчөсүнөн 74- мектепке чейинки Безымянная көчөсүнөн унаалар каттай баштады.
"Жаманбаев көчөсүнүн туурасы 8 метр, узуну 400 метр болгон бөлүгү оңдолуп бүттү. Анын эки жагына унаа токтотуучу жайлар уюштурулуп, тротуарлар салынды. Безымянная көчөсүнүн эки жагына да тротуар түштү", — деп айтылат маалыматта. Быйыл ишкана шаардын 51 көчөсүн оңдоону пландап жатат. Бул үчүн атайын техника сатып алынып, асфальбетон чыгаруучу эки завод иштеп жатат.
Google Play
App Store