Казакстандын Астана шаарында 21-27-август аралыгында көк бөрү боюнча өтө турган Дүйнө чемпиондугунун алкагында Кыргызстан курама командасынын алгачкы беттеши болбой калды.
Кыргыз курама командасы Монголия менен саат 9:00дө беттешмек. Бирок курамабыз оюн талаасына чыккан жок. Жобо боюнча, Кыргызстан курамасына техникалык жеңилүү берилди (Кыргызстан 0:7 Монголия).
Эске сала кетсек, жалпы мелдешке 12 курама команда ат салышып, 2 тайпага бөлүнгөн. Курамабыз "А" тайпасына туш келип Өзбекстан, Тажикстан, Монголия, Түркия жана АКШ курамалары менен таймашат.
Google Play
App Store