Астана шаарындагы "Казанат" ат майданында көкпар боюнча өтүп жаткан Дүйнө чемпиондугунда Кыргызстан курамасы Түркия командасын 13:3 эсебинде жеңди. Оюндун 1-бөлүгүндө кыргыздын пайдасына 7:2 эсеби катталды.
2-бөлүктө оюн кызып, Кыргызстан курамасы 6 улак таштаганга жетишти. Ал эми түрк тарап 1 улак менен жооп кайтарды.
Маалым кыла кетсек, 24-августта кыргыз-тажик оюнчулары беттешет. Болуп өткөн оюнду бүгүн кечки саат 21:25те КТРК СПОРТ каналы көрсөтөт.
Эске сала кетсек, 22-августта курамабызы өзбек улакчыларын 11:2 эсебинде уткан. Ал эми 21-августта Монголия курамасын 4:0 эсебинде жеңишке жетишкен.
Google Play
App Store