Кыргызстандын алгачкы космонавты, Кыргыз Республикасынын Баатыры Салижан Шарипов 53 жашка чыкты. Ал 1964-жылы 24-августта Ош облусунун Өзгөн шаарында туулган.
Өзгөндөн орто мектепти аяктагандан кийин, Приморьедеги жогорку учкучтар окуу жайын бүтүп, Токмоктогу илимий-машыктыруучу полкто учкуч-инструктор болуп иштеп жүргөндө космонавттар борборуна кабыл алынган. Салижан Шарипов 1998-жылы 22-январда америкалык-россиялык экипаждын курамында Хьюстон шаарындагы Линдон Жексон атындагы учуу станциясынан Россиянын сексен сегизинчи, ал эми дүйнө жүзү боюнча 380-космонавт болуп, “Шаттл-Спейc” космос кемеси менен космоско учкан.
Салижан Шарипов Кыргыз Республикасынын жана Россия Федерациясынын Баатыры, "Космосту өздөштүрүүдө сиңирген эмгеги үчүн", "Көрүнүктүү коомдук кызматы үчүн" жана "Орус-кыргыз достугу" медалдарынын ээси. НАСАнын "Космоско учкандыгы үчүн" эки медалын алган. Ошондой эле "Ак шумкар" жана "Амир Тимур" ордендерине татыган.
Google Play
App Store