Жогорку Кеңештин төрагасы Чыныбай Турсунбеков Өзбекстандын Президенти Шавкат Мирзиёев менен жолугушту. Жолугушууда эки өлкө ортосундагы саясий-экономикалык, маданий-гуманитардык алакаларды арттыруу маселелери талкууланып, парламенттер аралык кызматташтыкты кеңейтүү жөнүндө да сөз болду.
Төрага - кызматташтыктын жаңы барагын ачкан алгачкы расмий иш сапары үчүн Шавкат Мирзиёевге ыраазычылык билдирип: “Эзелтен коңшу жашаган, эки бир тууган элдин мындан аркы мамилесин арттыруу үчүн мындай жогорку деңгээлдеги жолугушуулардын мааниси жогору”, – деди.
Өз кезегинде Шавкат Мирзиёев парламенттер ортосундагы тыгыз мамиле эки мамлекеттин достугун чыңдайт деген оюн билдирип: “Өзбекстан Кыргызстандагы парламенттик реформалардан тажрыйба алууга кызыкдар”, – деп кошумчалады. Ошондой эле Шавкат Мирзиёев Чыныбай Турсунбеков баштаган парламенттик делегацияны расмий иш сапар менен Өзбекстанга келип кетүүгө чакырды.
Google Play
App Store