Бишкек-Ош автожолунун 480-чакырымында, Жалал-Абад облусунун Ноокен районунун Достук айыл аймагында 14-сентябрдын түнү жол кырсыгы катталды. “Ауди-100 C4”, “Ауди-100” жана “Хундай-Портер” үлгүсүндөгү автоунаалар кагылышкан. “Ауди-100” үлгүсүндөгү машинеде бараткан беш адам окуя катталган жерде, бирөө ооруканада каза тапты.
Өзгөчө кырдаалдар министрлиги билдиргендей, каза болгондордун сөөктөрү Кочкор-Ата шаардык ооруканасынын моргуна жеткирилген. “Хундай-Портердин” ичиндеги бир киши жаракат алып Шамалды-Сай шаардык ооруканасына түшкөн. Патрулдук милиция башкармалыгынын билдиришинче, жыл башынан бери өлкөдө 2500дөн ашуун жол кырсыгы катталып, 300дөн ашуун кишинин өмүрү кыйылган. 3800дөн көбү түрдүү жаракат алды.
Google Play
App Store