Баткен облусунда өз алдынча көмүр казып жаткан 3 адам газга ууланып каза болду. Бул тууралуу Өзгөчө кырдаалдар министрлигинин басма сөз кызматынан маалымдашты.
Маалыматка ылайык, кечээ, 26-октябрь күнү түнкү саат 22:20да Самаркандек айыл аймагынын Гарым участкасында шахтада өз алдынча көмүр казган 3 адам шахтанын ичинде газга ууланып, каза болгону маалымдалган.
Кырсык болгон жерге Өзгөчө кырдаалдар министрлигинин куткаруу тобунун 9 куткаруучусу барып, каза болгондорду алып чыгышкан.
90 метр тереңдикте көмүр казып жатып, газга уулангандар милиция кызматкерлерине өткөрүлүп берилген.
Google Play
App Store