Ысык-Көл облусунун Ананьев айылындагы шире чыгаруучу завод ишке кирди. Ишкана жылына беш миң тонна мөмө-жемиштерди иштетип, андан 3 миллион литр шире чыгарат. Заводдун ишке кириши менен 25 адам жумуш менен камсыз болду.
Заводдун ишке киришине Кыргыз-Орус өнүктүрүү фонду каржылык колдоо көрсөттү. Ишкана беш түрлүү таттуу шире азыктарын түздөн-түз Орусияга экспорттойт. Келечекте ишкананын ишмердүүлүгүн жогорулатуу аракеттери көрүлүп жатканын заводдун кызматкери Дөөлөтбек Салмакеев билдирди:
Ысык-Көл районунун акиминин орун басары Динара Акматованын айтымында Ананьев айылындагы шире заводу учурда толук кандуу ишин баштаган. Ал заманбап техникалар менен жабдылган. Ошондуктан алар чыгарган продукцияга болгон суроо-талаптын улам өсүп баратканын белгиледи.
Заводдун кубаттуулугу жогору. Ал саатына жарым тонна шире чыгарууга жетишүүдө. Ишкананын келечеги бар.
Кадыр Калилов, Биринчи радио
Google Play
App Store