Вице-премьер-министр Дүйшөнбек Зилалиев кызматтан алынды. Тийиштүү буйрукка президент Алмазбек Атамбаев кол койгонун мамлекет башчынын маалымат кызматы билдирди.
"Кыргыз Республикасынын өкмөтү жөнүндөгү" Конституциялык мыйзамынын 24-беренесинин 3-бөлүгүнүн 4-пунктуна ылайык, Зилалиев Дүйшөнбек Текшербекович ээлеп турган вице-премьер-министр кызматынан бошотулсун", - деп айтылат буйруктун текстинде.
Зилалиевди кызматтан алуу чечими аны башка жумушка которуу боюнча премьер-министр Сапар Искаковдун сунушу менен кабыл алынганы кабарланды.
Google Play
App Store