Үстүбүздөгү жылдын тогуз айында чет өлкөлөрдө иштеген мекендештерибиз Кыргызстанга 1 миллиард 840,65 миллион доллар которгон. Бул туурасында Улуттук банктан билдиришти.
Өткөн жылдын январынан сентябрь айына чейин мигранттар 1 миллиард 465,89 миллион доллар которгон болчу. Муну менен быйыл өлкөгө которулган акчанын көлөмү 275 миллионго көбөйгөнү байкалат.
Каражаттын басымдуу бөлүгү Россиядагы мигранттардан келген. Тагыраак айтканда, 1 миллиард 805,64 миллион доллар.
Калганы башка алыскы өлкөлөрдөн жана Казакстандан жөнөтүлгөн. Маалыматтар боюнча чет жакта миллионго чукул кыргызстандык эмгектенет. Алардын 80 пайызга жакыны Россияда.
Google Play
App Store