Бишкек-Нарын-Торугарт жолунда жеңил унаа сууга түшүп кеттип, 4 адам каза болушту. Бул тууралуу Өзгөчө кырдаалдар министрлигинин басма сөз кызматынан маалымдашты.
Маалыматта айтылгандай, Нарын облусунун Кочкор районунда 26-ноябрь күнү саат 12:20да Бишкек-Нарын-Торугарт унаа жолунун 180-чакырымында “Кубакы” ашуусунда көпүрөдөн “Тайота Карина” үлгүсүндөгү автоунаанын айдоочусу рулга ээ боло албай, сууга түшүп кеткен.
Жол кырсыктын кесепетинен бир үй бүлөнүн 4 мүчөсү каза болушту.
Каза болгондор Нарын облусунун Нарын шаарынын Ак-Өргө көчөсүнүн тургундары болушкан. Кырсык болгон жерге куткаруу тобу барып, каза болгон адамдарды туугандарына өткөрүп беришкен.
Google Play
App Store