Ош шаарындагы окуу жайлардын биринде 1-курста окуган студент мушташтын айынан каза тапты. Бул тууралуу маалыматты Ош шаардык ички иштер башкармалыгынын маалымат кызматынын өкүлү Замир Сыдыков билдирди.
Билдирүүгө таянсак, студенттин өлүмү боюнча Кылмыш-жаза кодексинин 97-беренеси (“Киши өлтүрүү”) менен кылмыш иши козголуп, окуянын себептери иликтенип жатат.
Алдын-ала маалыматтарга караганда, окуя 3-декабрда болгон. Бир нече студент чырдаша кетип, чырдын аягы мушташка айланган. Натыйжада чатактан улам токмок жеген 17 жаштагы 1-курстун студенти катуу жабыркаган. Ал ооруканага жеткирилгенден кийин көз жумган.
Учурда бардык күнөөлүү тараптарды жоопкерчиликке тартуу жагы каралууда.
Google Play
App Store