Жогорку Кеӊеш биринчи вице-премьер-министрликке Аскарбек Шадиевдин тапакерлигин жактырды. Бул тууралуу парламенттин маалымат кызматы билдирди.
Өкмөт башчысы Сапар Исаков бул кызматка Шадиев дайындалып калса, отун-энергетикалык комплекси жаатындагы маселелерди тескей турганын, ал бул маселелерди жакшы билерин жана тажырыйбалуу кадрлардын бири экенин белгилеген.
Анын айтымында, Конституцияга киргизилген жаӊы өзгөртүүлөргө ылайык, эгер депутат биринчи вице-премьер-министрликке дайындалып калса, өзүнүн депутаттык мандатын сактап калат. "Шадиевдин тагылган милдетти аркалап кете аларына кепилдик бере алам. Мында парламент менен өкмөттүн өз ара байланышы да кыйла чыңдалат", - деди Сапар Исаков.
Буга чейин Аскарбек Шадиев Эл аралык иштер, коргоо жана коопсуздук боюнча комитеттин төрагасы болуп иштеп келген.
Google Play
App Store