Тар чөйрөдөгү жана кеңири курамдагы жолугушуулардан кийин Сооронбай Жээнбеков менен Шавкат Мирзиёев массалык маалымат каражаттары үчүн билдирүү жасашты. Анда лидерлер сүйлөшүүлөр достук жана конструктивдүү шартта өткөнүн белгилешип, саясий, соода-экономикалык, транспорттук-коммуникациялык, маданий-гуманитардык жана башка жааттарда Кыргызстан менен Өзбекстандын ортосундагы мамилелердин заманбап деңгээлине жогору баа беришти.
Президенттер көп пландуу кыргыз-өзбек кызматташтыгын андан ары өнүктүрүү маселелеринин кеңири спектри, ошондой эле жалпы кызыкчылыктарды камтыган актуалдуу регионалдык жана эл аралык маселелер боюнча пикирлер менен алмашты.
Google Play
App Store