Өлкө аймагында 11-январдан тарта аба-ырайы кескин өзгөрүп, күн сууктайт. Бул тууралуу Кыргызгидрометтен кабарлашты. Бейшемби күндөн тарта бардык жерлерде мезгил-мезгили менен кар жаап, Чүй, Талас, Ош, Жалал-Абад, Баткен облустарынын айрым жерлеринде кар калың түшүшү мүмкүн.
Зымдарга жана бактарга суу кар жабышып, жолдор тайгак жана тоңголок болот. Батыштан соккон шамалдын ылдамдыгы секундасына 4-9 метр, айрым жерлерде 17-22 метрге чейин жетиши ыктымал.
Ал эми Ысык-Көл, Нарын облустарында абанын температурасы түнкүсүн 7..12, күндүзү 1..6 градус суук болот.
Борбор калаада түндө 2…4 градуска чейин төмөндөсө, күндүз 0…2 градус жылыйт. Ош шаарында күндүз 4…6 градус жылуу болот.
Google Play
App Store