Ош облусунун Алай районунда очогунда 3,5 баллга жеткен жер силкинди. Бул тууралуу Улуттук илимдер академиясынын Сейсмология институту билдирди.
Ага ылайык, жер титирөө 17-январга караган түнү саат бирден 54 мүнөт өткөндө болуп, магнитудасы 3,7ни түзгөн.
Жер титирөөнүн очогу Кыргызстанда жайгашып, Алай тоо кыркаларында Алай районунун Бор-Дөбө айылынан чыгышты карай алты чакырым жана Кара-Киндик айылынан түштүк-батышты карай 25 чакырым алыстыкта орун алган.
Жердин силкинүүсү Бор-Дөбө айылында 3 балл, Кара-Киндик айылында 2,5 жана Сары-Таш айылында 2 баллды түзгөн. ӨКМдин маалыматы боюнча жабыркагандар жок.
Google Play
App Store