1916-жылкы окуя кыргыз тарыхында эч качан унутулбашы керек. Мындай пикирлер бүгүн Үркүн боюнча учурдагы көз караштар жана анын тарыхый мааниси аттуу талкуунун жүрүшүндө айтылды.
Тарыхый маалыматтарга караганда, 1916-жылдагы кыргыз элинин улуттук-боштондук көтөрүлүшүндө орус падышачылыгынын жазалоочу отрядынан 200 миңден ашуун адам курман болгон. Расмий эмес маалыматтарда мындан эки эсе адам кырылганы айтылып жүрөт.
Быйыл Үркүндүн 100 жылдыгын белгилөөнүн алкагында август-сентябрь айларында Ата-Бейитте Үркүн окуясына арналган мемориалдык комплекстин ачылышы болот.
Мындан сырткары университеттерде, Илимдер академиясында илимий-практикалык конференциялар уюштурулуп, тарыхый маалыматтарды камтыган китептер басылып чыгат. Айрым коомдук ишмерлер бийлик тарабынан 100 жыл мурдагы болгон кандуу коогалаңга тиешелүү баа берилбей келатканын белгилешүүдө.
Google Play
App Store