Ала-Арча суусунун деңгээли көтөрүлүп, суунун көлөмү секундасына 10-13 метр куб болуп жатат. Бул тууралуу ӨКМдин Бишкек шаары боюнча башкармалыгынын жетекчисинин орун басары Майрамбек Жунусов билдирди.
ӨКМдин басма сөз кызматынын маалыматына караганда, Бишкектеги Москва менен Бейшеналиева көчөлөрүнүн кесилишинде жайгашкан 3 турак үйдү суу каптады.
«Бишкек шаарынын жарандык коргонуу күчү жана каражаты суу каптоонун кесепеттерин жоюу боюнча иштеп жатат. Ага 70 адам жана 15 техника тартылды», - деди М.Жунусов
Бишкектин райондорунун жарандык коргонуу боюнча комиссиялары Ала-Арча жана Аламүдүн дарыяларынын кооптуу тилкелерин дайыма көзөмөлдөп жатат. Буга чейин ӨКМдин адистери аба ырайы жылып баштаса, тоңгон муздар ээрип, ага жакын жайгашкан турак үйлөрдү капташы мүмкүн экенин эскерткен болчу.
Google Play
App Store