Свердлов райондук ички иштер башкармалыгынын кызматкерине ок чыгарып жарадар кылган шектүү изделүүдө. Бул тууралуу Бишкек шаардык ИИББден билдиришти. Аталган факты боюнча Кылмыш жаза кодексинин 28-340-беренесинде каралган - укук коргоо органдарынын кызматкерин өлтүрүүгө аракет жасоо - боюнча кылмыш иши козголду.
Маалыматка ылайык, Жалал-Абад облусуна караштуу Токтогул районунун 31 жаштагы тургуну Шатманов Тилек Сулайманович изделип жатат. Ал 2018-жылдын 2-февралында Свердлов райондук ИИБдин кызматкерине ок чыгарып жарадар кылган.
Бул адам кайда жүргөнү тууралуу маалыматы бар жарандар 0(312) 43-71-75, 0552 91-80-52, 0551 10-24-25 номурлары аркылуу ички иштер органдарына кабарлай алышат. Ошондой эле "102" номуру аркылуу дагы чалуулар кабыл алынат. Маалыматтын купуя сакталышына кепилдик берилет.
Google Play
App Store