Айдоо жерлерди трансформациялоо талабы менен ак үйдүн алдында кезектеги митинг болуп өттү. Бул ирет митингге Көк-Жар айылынын тургундары катышты.
Алар айыл чарба багытындагы аянттарды пайдаланууга 2009-жылы мараторий жарыяланганына карабай, бийликтен мыйзамдаштырып берүүнү талап кылууда. Мындай көрүнүштөр социалдык тармактарда кызуу талкууланып жатат.
Баш калаанын четиндеги Көк-Жар айылынын жашоочулары ушуну менен бир жылда сегизинчи жолу митинг уюштурууда. Баарынын көздөгөнү бирөө - айдоо жерге турак-жай курууга уруксаат алуу.
Бишкектин айланасында айдоо аянттарына түшүп калган турак-жайлар бар. Жаралган жагдайга байланыштуу мыйзам долбоор парламентте каралууда. Дал ушул жерден айрым топтор жеке кызыкчылыгын көздөп, байма-бай митинг уюштуруу аркылуу бийликке кысым көрсөтүүдө. Алардын максаты - бош жаткан сугат жерди мыйзамдаштырып туруп, сатуу.
Google Play
App Store